ЭМГЭНЭЛ

ДОРЖСҮРЭНГИЙН ТӨМӨРБААТАР (1979-2023)

Бидний хайр хүндэтгэлийг хүлээсэн хамтран зүтгэгч, дотны анд, журмын нөхөр Уул уурхай, хүнд үйлдвэрийн яамны Төрийн захиргааны удирдлагын газрын Гадаад хамтын ажиллагааны хэлтсийн мэргэжилтэн Доржсүрэнгийн Төмөрбаатар нь 2023 оны 01 дүгээр сарын 02-ны өдөр тэнгэрийн оронд одож, манай хамт олонд нөхөж баршгүй хүнд гарз тохиолоо.

Тэрбээр Монгол Улсын уул уурхай, хүнд үйлдвэрийн салбарт ажиллах хугацаандаа төрийн Захиргааны байгууллагын чиг үүргийн хүрээнд өөрийн хариуцсан ажилдаа ур чадвар, мэдлэг, санаачилгатай, үр бүтээлтэй ажилласан бөгөөд бусдад сэтгэлийн гүнээс тусалдаг хүнлэг энэрэнгүй сэтгэлтэй, анд нөхөд, хамт олондоо үлгэр дуурайлал үзүүлж, бидний итгэл найдварыг хүлээсэн төрийн мэргэшсэн тэргүүний албан хаагч байлаа.

Д.Төмөрбаатарын ухаалаг, хүнлэг, эгэл даруу, шударга, хөдөлмөрч, тусархаг, нөхөрсөг гэгээн дүр төрх бид бүхний сэтгэл зүрхэнд үүрд мөнхөд хоногшин үлдэх болно.

Талийгаачийн гэр бүл, үр хүүхдүүд, ах дүү, төрөл төрөгсдөд гүн эмгэнэл илэрхийлье!

УМ САЙН АМГАЛАН БОЛТУГАЙ

УУЛ УУРХАЙ, ХҮНД ҮЙЛДВЭРИЙН ЯАМНЫ ХАМТ ОЛНООС