МЭНДЧИЛГЭЭ

Уул уурхайн салбарын хөгжил дэвшлийн төлөө өөрийн оюун ухаан, хүч чадлаа дайчлан ажилласан үе үеийн геологичид, уурхайчид, салбарын ахмадууд, тэдний залуу халаа, нийт хамт олон та бүхэнд Монгол Улсад орчин цагийн уул уурхайн салбар үүсэж хөгжсөний түүхт 100 жилийн ойн баярын мэнд дэвшүүлье.

Уул уурхайн салбарын хөгжил Монгол Улсын хөгжлийн цар хүрээг илтгэх нэгэн томоохон хүчин зүйл болсоор ирсэн билээ. Салбарын хөгжлийг хурдасгах талаар төр засгаас тухайлсан бодлого, авч хэрэгжүүлж байгаа арга хэмжээний үр дүнд манай салбар  дотоодын нийт бүтээгдэхүүний 25 гаруй хувь, аж үйлдвэрийн бүтээгдэхүүний 69 гаруй хувь, экспортын бүтээгдэхүүний 90 гаруй хувийг үйлдвэрлэж байна.

Бид туулсан зам, бүтээсэн үйлс, өнөөгийн байдлаа нэгтгэн дүгнэхийн сацуу цаашдын бодлого, зорилтоо тодорхойлох олон ажлыг өнгөрч буй зууны төгсгөлд хийж хэрэгжүүллээ.

Уул уурхайн салбарын хөгжил нь манай улсын эдийн засгийн өсөлтийг хангах нэг томоохон салбарын хувьд ирээдүйн асуудлаа хэлэлцэх нь онцгой чухал ач холбогдолтой.

Түүхэн хөгжлийнхөө 100 жилд олсон ололт, амжилтаа улам бүр бататган улс орныхоо эдийн засгийн өсөлтийг хангах зорилтыг биелүүлэхэд мөр зэрэгцэн ажиллаж байгаа геологичид, уурхайчид жинтэй хувь нэмэр оруулна гэдэгт итгэл төгс байна.   

Та бүхэндээ өргөн уудам Монгол орныхоо арвин их баялгийг үр ашигтай ашиглаж, улс орныхоо хөгжил дэвшилд бүтээлч, өрнүүн их амжилт олохыг хүсэж, эрүүл энх, сайн сайхны ерөөл өргөн дэвшүүлье.

О. ЦЭНДСҮРЭН       УУЛ УУРХАЙ, ХҮНД ҮЙЛДВЭРИЙН ДЭД САЙД