![УУЛ УУРХАЙ, ХҮНД ҮЙЛДВЭРИЙН ДЭД САЙД О.ЦЭНДСҮРЭН БАШКОРТОСТАН УЛСЫН ТӨЛӨӨЛӨГЧИЙГ ХҮЛЭЭН АВЧ УУЛЗЛАА](https://mmhi.gov.mn/wp-content/uploads/2023/03/2S5A4748-scaled.jpg)
УУЛ УУРХАЙ, ХҮНД ҮЙЛДВЭРИЙН ДЭД САЙД О.ЦЭНДСҮРЭН БАШКОРТОСТАН УЛСЫН ТӨЛӨӨЛӨГЧИЙГ ХҮЛЭЭН АВЧ УУЛЗЛАА
Уул уурхай, хүнд үйлдвэрийн дэд сайд О.Цэндсүрэн ОХУ-ын Бүгд Найрамдах Башкортостан Улсын Гадаад худалдаа, эдийн засгийн харилцаа болон бизнес үйл ажиллагааны нэгдүгээр орлогч сайд Л.М.Изотоваг хүлээн авч уулзлаа.
![](https://mmhi.gov.mn/wp-content/uploads/2023/03/2S5A4722-scaled.jpg)
Уулзалтаар Монгол Улсад газрын тосны бүтээгдэхүүний импорт, нийлүүлэлтийн эх үүсвэрийг нэмэгдүүлэх, газрын тосны салбарт хамтран ажиллах, тэр дундаа газрын тосны бүтээгдэхүүний худалдааны чиглэлээр хамтын ажиллагааг хөгжүүлэх талаар санал солилцов.
![](https://mmhi.gov.mn/wp-content/uploads/2023/03/2S5A4724-scaled.jpg)
![](https://mmhi.gov.mn/wp-content/uploads/2023/03/2S5A4725-scaled.jpg)
Дэд сайд О.Цэндсүрэн, хоёр орны худалдаанд гарч буй гол бэрхшээлтэй зүйл нь манайхаас ОХУ-д бараа, бүтээгдэхүүн гаргахад экспортын гаалийн тариф өндөр байдгийг онцлов. Орлогч сайд Л.М.Изотова хамтын ажиллагааг өргөжүүлэхэд анхаарч, энэхүү асуудлыг ОХУ-ын Засгийн газарт уламжлахаа мэдэгдсэн юм.
![](https://mmhi.gov.mn/wp-content/uploads/2023/03/2S5A4748-scaled.jpg)