![АЖ ҮЙЛДВЭРЖИЛТИЙН ҮНДЭСНИЙ ХОРООНЫ АНХДУГААР ХУРАЛДААН БОЛЛОО](https://mmhi.gov.mn/wp-content/uploads/2023/04/DSC_4572-scaled.jpg)
АЖ ҮЙЛДВЭРЖИЛТИЙН ҮНДЭСНИЙ ХОРООНЫ АНХДУГААР ХУРАЛДААН БОЛЛОО
Монгол Улсын Засгийн газрын 2023 оны гуравдугаар сарын 22-ны өдрийн 103 дугаар тогтоолоор байгуулагдсан “Аж үйлдвэржилтийн үндэсний хороо”-ны анхны хуралдааныг зохион байгууллаа.
![](https://mmhi.gov.mn/wp-content/uploads/2023/04/DSC_4430-scaled.jpg)
Улсын Их Хурлын 2020 оны 52 дугаар тогтоолоор баталсан “Шинэ сэргэлтийн бодлого”-ын хүрээнд Аж үйлдвэржилтийн сэргэлтийг эрчимжүүлэх зорилготой уг Үндэсний хороог Уул уурхай, хүнд үйлдвэрийн сайд Ж.Ганбаатар ахалж байна.
![](https://mmhi.gov.mn/wp-content/uploads/2023/04/DSC_4537-scaled.jpg)
Анхны хуралдаанаар Үндэсний хорооны ажиллах дүрмийг баталж, 2023 онд хэрэгжүүлэх үйл ажиллагааны төслийг хэлэлцэн хорооны дэргэд 4 дэд хороо /нүүрс гүн боловсруулах, зэс, хар төмөрлөг, хөнгөн аж үйлдвэр/-той байхаар тогтлоо.
![](https://mmhi.gov.mn/wp-content/uploads/2023/04/DSC_4565-scaled.jpg)
Үндэсний хорооны гол зорилго нь аж үйлдвэржилтийн салбарт эхний ээлжинд бодитоор хэрэгжихүйц төслийг сонгож, нэмүү өртөг шингэсэн, эцсийн бүтээгдэхүүн үйлдвэрлэх ажлыг эрчимжүүлэх юм.
![](https://mmhi.gov.mn/wp-content/uploads/2023/04/DSC_4515-scaled.jpg)
![](https://mmhi.gov.mn/wp-content/uploads/2023/04/DSC_4572-scaled.jpg)