ГЕОПАРКИЙН ҮНДЭСНИЙ ХОРООНЫ ГИШҮҮД ӨМНӨГОВЬ АЙМГИЙН ХАНБОГД СУМАНД АЖИЛЛАЛАА
Гадаад харилцааны сайд бөгөөд ЮНЕСКО-ийн Монголын үндэсний комиссын даргын 2023 оны А/03 дугаар тушаалаар ЮНЕСКО-ийн Геологийн шинжлэх ухаан, геопаркуудын олон улсын хөтөлбөрийн хүрээнд олон улсын хамтын ажиллагааг дэмжих зорилгоор Геопаркийн үндэсний хороог байгуулсан.
Геологийн өвөрмөц тогтоцтой, геопарк байгуулах боломжтой газруудыг тодорхойлох үндсэн чиг үүргийн хүрээнд үндэсний хороо УУХҮЯ-ны Геологийн бодлогын газрын даргын албан үүргийг түр орлон гүйцэтгэгч Х.Санчигдорж, ГХЯ-ны Олон талт хамтын ажиллагааны газрын захирал Б.Мандхай, Үндэсний геологийн албаны Геологийн судалгааны хэлтсийн Р.Болд-Эрдэнэ, ЮНЕСКО-ийн Монголын үндэсний комиссын Ерөнхий нарийн бичгийн дарга С.Болдсайхан, ШУА-ийн Геологийн хүрээлэнгийн эрдэмтэн, нарийн бичгийн дарга Н.Тунгалаг, Эрдэм шинжилгээний ажилтан Б.Цэрэндулам, ШУА-ийн Палеонтологийн хүрээлэнгийн захирал Х.Цогтбаатар, эрдэмтэн нарийн бичгийн дарга З.Бадамхатан, Соёлын яамны Соёлын өвийн бодлогын хэрэгжилтийг зохицуулах газрын ахлах мэргэжилтэн П.Алдармөнх, БОАЖЯ-ны Тусгай хамгаалалттай газар нутгийн бодлого зохицуулалтын газрын шинжээч М.Мөнхзаяа, Соёлын өвийн үндэсний төвийн Авран хамгаалах, эрсдэлийн судалгааны газрын дарга Г.Анхсанаа, ЮНЕСКО-ийн Монголын үндэсний комиссын мэргэжилтэн Н.Чимэддулам, УУХҮЯ-ны ГСТХ-ийн мэргэжилтэн Ч.Бямбажав болон урилгаар ШУТИС-ийн ГУУС-ийн профессор С.Жаргалан, ЮНЕСКО-ийн Монголын үндэсний комиссыг төлөөлж Винсенц Янсен, ГХЯ-ны Олон талт хамтын ажиллагааны газрын III нарийн бичгийн дарга Э.Жаргал.
Өмнөговь аймгийг төлөөлж Соёл, урлагийн газрын дарга Т.Мөнгөнтуул, улсын байцаагч О.Уламцэцэг, Байгаль орчин, аялал жуулчлалын газрын улсын байцаагч Н.Бурмаа, Манлай сумын Засаг дарга П.Баасанцогт, Манлай сумын Соёлын төвийн эрхлэгч Д.Отгонбат, Ханбогд сумын соёлын өвийн ажилтан Э.Зуундарь, Оюу толгой ХХК-ийн гадаад харилцааны зөвлөх Б.Рэнчинпагма, олон нийттэй харилцах мэргэжилтэн О.Батзориг, Рио тинто Монгол ХХК-ийн түншлэл хариуцсан ахлах зөвлөх Г.Түвшинжаргал гэсэн бүрэлдэхүүнтэйгээр 2023 оны 5 дугаар сарын 27-ны өдөр тус аймгийн Манлай, Ханбогдод орших үлэг гүрвэлийн мөрт Шар цав болон Ханбогдын массивт ажиллалаа.
Энэ удаагийн хурлын зорилго нь анх удаа шинээр байгуулагдсан үндэсний хорооны гишүүдийг геопарк болох боломжтой газарт биечлэн ажиллах нөхцөлийг бүрдүүлэх, орон нутгийн оролцоог нэмэгдүүлэх, нэгдсэн мэдээллээр хангах явдал юм.
ЮНЕСКО-ийн Геопаркуудын дэлхийн сүлжээнд бүртгүүлэх шалгуурууд
- Хангалттай хэмжээний талбайтай байх,
- Сургалт мэдээллийн төвтэй байх,
- Үндэсний хууль тогтоомжийн дагуу хүлээн зөвшөөрөгдсөн хууль, эрх зүйн орчинтой байх,
- Доороосоо дээшээ чиглэсэн менежментийн бүтэцтэй байх,
- Үндэсний хууль тогтоомжийн дагуу хамгаалагдсан газар нутагтай байх,
- Геологийн биет зүйлсийг худалдахыг хориглодог байх,
- Олны анхаарал татахуйц таних тэмдэг, сурталчилгааны материалтай байх,
- Геопаркийн зорилгуудыг биелүүлэхэд чиглэсэн менежментийн төлөвлөгөөтэй байх