КАНАДЫН ХАЙГУУЛЧ, ОЛБОРЛОГЧДЫН ХОЛБООНЫ ГҮЙЦЭТГЭХ ЗАХИРАЛТАЙ УУЛЗЛАА

Канадын Торонто хотноо болж буй PDAC 2025 дэлхийн уул уурхайн чуулганы үеэр Аж үйлдвэр, эрдэс баялгийн сайд Ц.Туваан, Монгол Улсын УИХ-ын төлөөлөгчид, Монгол Улсаас Канад Улсад суугаа Элчин сайд Э.Сарантогос болон МУУҮА-ийн Гүйцэтгэх захирал Г.Эрдэнэтуяа нар тус чуулганыг зохион байгуулагч Канадын хайгуулч, олборлогчдын холбооны Гүйцэтгэх захирал хатагтай Лиза Макдональдтай уулзлаа.

Уулзалтаар Монголын тал “Уул уурхайн долоо хоног” (Mining Week) чуулганы талаар мэдээлэл солилцож, Монголын уул уурхайн салбар дэлхийн хариуцлагатай уул уурхайн тэргүүлэх санаачилга болох Тогтвортой уул уурхайн төлөө (ТУУТ) хөтөлбөрт нэгдсэнээ албан ёсоор мэдэгдсэн байна.

Дэлхийн шилдэг стандартыг нэвтрүүлэн, ил тод бөгөөд хариуцлагатай уул уурхайн бодлого баримталж буй нь олон улсын хөрөнгө оруулагчдын итгэлийг нэмэгдүүлж, салбарын өрсөлдөх чадвар болон урт хугацааны хөрөнгө оруулалтыг татах боломжийг улам нэмэгдүүлэх боломжтой юм.