МОНГОЛ УЛСЫГ 2026-2030 ОНД ХӨГЖҮҮЛЭХ ТАВАН ЖИЛИЙН ҮНДСЭН ЧИГЛЭЛ БОЛОВСРУУЛАХ НЬ” ОЛОН ТАЛТ ХЭЛЭЛЦҮҮЛЭГ БОЛЛОО

Хэлэлцүүлгийг Аж үйлдвэр, эрдэс баялгийн яамны Төрийн нарийн бичгийн дарга Б.Дашпүрэв удирдаж, Эдийн засаг, хөгжлийн яамнаас танилцуулга хийн зохион байгууллаа.

Монгол Улсын Их Хурлын 2020 оны 08 дугаар сарын 28-ны өдрийн 23 дугаар тогтоолоор батлагдсан “Монгол Улсыг 2021-2025 онд хөгжүүлэх таван жилийн үндсэн чиглэл” 2025 онд дуусгавар болж байгаатай холбогдуулан Хөгжлийн бодлого, төлөвлөлт, түүний удирдлагын тухай хуулийн 14 дүгээр зүйлийн 14.3 дахь хэсэгт заасныг үндэслэн “Монгол Улсын 2026-2030 онд хөгжүүлэх таван жилийн үндсэн чиглэл”-ийн төслийг нэгтгэн боловсруулах ажил явагдаж байна.

Хөгжлийн бодлого, төлөвлөлтийн баримт бичиг боловсруулахад тавигдах шаардлагын дагуу энэ удаагийн таван жилийн үндсэн чиглэлийг олон талын оролцоог хангаж, шинжлэх ухаанд суурилсан бодлого төлөвлөлийг хэрэгжүүлж буюу шинжлэх ухааны байгууллага, их дээд сургуулиуд, эрдэмтэн судлаачдыг бүх түвшинд оролцуулан боловсруулж байна.

Тус хэлэлцүүлэгт Боловсруулах үйлдвэр, Хөдөө аж ахуй, Ачлал жуулчлал, Санхүү, Эрчим хүч, Зам тээвэр, Мэдээлэл, харилцаа холбооны салбарын төлөөлөл оролцлоо.