МОНГОЛ УЛС ДАХЬ ОЛОН УЛСЫН ХӨГЖЛИЙН ТҮНШЛЭГЧДИЙН ЭЭЛЖИТ УУЛЗАЛТЫГ ЗОХИОН БАЙГУУЛЛАА
Аж үйлдвэр, эрдэс баялгийн яам, Жендэрийн үндэсний хороотой хамтран хөгжлийн түншлэгчдийн уулзалтыг амжилттай зохион байгууллаа. Монгол Улс дахь Олон Улсын хөгжлийн түншлэгчдийн ээлжит уулзалтад Жендэрийн үндэсний хорооны ажлын алба, Аж үйлдвэр эрдэс баялгийн яамны газар, хэлтсийн удирдлага, жендэрийн салбар зөвлөлийн гишүүд, АМГТГ, ҮГА, Канадын Мерит төсөл, НҮБХХ-ийн Интегра санаачилга төслийг хэрэгжүүлэгч талууд, Women and mining ТББ, Эрдэс баялгийн салбарын ААНБ-ууд оролцов.
Уулзалтыг нээж Аж үйлдвэр эрдэс баялгийн яамны Төрийн нарийн бичгийн дарга Б.Дашпүрэв, Жендэрийн үндэсний хорооны Нарийн бичгийн дарга бөгөөд Ажлын албаны дарга А.Адилбиш нар үг хэллээ.
Төрийн нарийн бичгийн дарга Б.Дашпүрэв хэлсэн үгэндээ цаашид салбарын хөгжлийн бодлогод жендэрийн үзэл баримтлалыг нэгтгэж, жендэрийн хууль, бодлоготой уялдуулах, бодлогын хэрэгжилтийг тууштай үр дүнтэй дэмжих, хяналт-шинжилгээ, үнэлгээний тогтолцоог сайжруулах, чиглэлд илүү анхаарч, бодит ахиц гаргах шаардлага байна. Мөн жендэрийн эрх тэгш байдал гэдэг нь зөвхөн хүний эрхийн асуудал бус, хөгжлийн чанар, тогтвортой байдал, салбарын өрсөлдөх чадварын үндэс гэдгийг бид мартаж болохгүй.
Иймээс хамтдаа жендэрийн хариуцлагатай, уялдаа холбоо бүхий бодит өөрчлөлт авчрах шийдвэрүүдийг гаргаж, хэрэгжүүлэх нь чухал байна. Төрийн зүгээс жендэрийн салбар дундын зөвлөлүүдийг үр дүнтэй, тогтвортой ажиллуулах, төсөл, хөтөлбөрүүдэд жендэрийн тэгш байдлыг хангах үзэл баримтлалыг тусгах, түүний хэрэгжилтийг үнэлэх, эмэгтэйчүүдийн оролцоог дэмжих бодлогын уялдааг хангах чиглэлд онцгойлон анхаарч ажиллана гэлээ.
Уулзалтаар салбарын хэмжээнд хэрэгжиж байгаа төсөл, хөтөлбөрүүдийн жендэр, нийгмийн үр нөлөөг дээшлүүлэх, үндэсний болон салбарын жендэрийн бодлого төлөвлөлттэй уялдуулах, олон улсын хөгжлийн байгууллагууд, донор төсөл хөтөлбөр хэрэгжүүлэгчдээс хэрэгжүүлж буй төсөл, хөтөлбөрүүдээр дамжуулан жендэрийн эрх тэгш байдлыг хангах талаар нэгдсэн уялдааг хангах, давхардлыг арилгах, төслийн төсвийг үр ашигтай зарцуулах талаар харилцан мэдээлэл солилцож, хэлэлцүүлэг өрнүүллээ.
Жендэрийн үндэсний хорооны Ажлын албаны 2025 оны төлөвлөлт, гүйцэтгэл, Аж үйлдвэр, эрдэс баялгийн салбар дахь төсөл, хөтөлбөрийн хүрээнд хэрэгжүүлж буй жендэрийн эрх тэгш байдлын хангах чиглэлээрх үйл ажиллагаа, үр нөлөө- НҮБХХ-өөс Монгол Улсын уул уурхай, эрдэс баялгийн салбарт эмэгтэйчүүдийн оролцоог нэмэгдүүлэх чиглэлээр хэрэгжүүлж буй санаачилгууд, МЕРИТ төслөөс хэрэгжүүлсэн төсөл хөтөлбөрийн жендэрийн уялдаа, үр дүн, нөлөө, Women and mining ТББ-аас хэрэгжүүлсэн төсөл хөтөлбөрийн жендэрийн уялдаа, үр дүн, нөлөө, Төсөл хөтөлбөр хэрэгжүүлэгч тал болон үр шим хүртэгч талын бодит өөрчлөлтийн үр дүн төслүүдийн төлөөлөл мэдээлэл, туршлагаа хуваалцав.
