“ИННОПРОМ-2022” ОУ-ЫН АЖ ҮЙЛДВЭРИЙН ҮЗЭСГЭЛЭНД ОРОЛЦОХЫГ УРЬЖ БАЙНА
ОХУ-ын Екатеринбург хотноо 2022 оны 7 дугаар сарын 04-07-ны өдрүүдэд “Екатеринбург-Экспо” төвд “ИННОПРОМ” олон улсын аж үйлдвэрийн 12 дугаар үзэсгэлэн зохион байгуулагдах гэж байна.
“ИННОПРОМ” нь Оросын аж үйлдвэрийн салбарын томоохон үзэсгэлэнгийн нэгд зүй ёсоор тооцогддог бөгөөд 90 улс, орны 600 гаруй компанийн төлөөлөл оролцдог, оролцогчдын 80% нь тус улсын болон гадаадын топ-менежерууд байдаг байна.
Үзэсгэлэнгийн үеэр олон улсын томоохон холбоод, төрийн мэргэжлийн хүрээлэнгүүдийн тэргүүн нарын оролцоотой дугуй ширээний уулзалт, хэлэлцүүлэг зэрэг 100 гаруй төрлийн арга хэмжээ зохион байгуулагдах юм.
Ажил хэрэгч уулзалтын сэдэв:
- Цахим үйлдвэрлэл
- Аж үйлдвэрийн инноваци
- Үйлдвэрлэлийн автоматжуулалт
- Хотуудад зориулсан технологи
- Хөдөлмөрийн бүтээмж
- Үйлдвэрлэлийн санхүүжилт
- Химийн аж үйлдвэр
“ИННОПРОМ-2022” Оросын аж үйлдвэрийн үзэсгэлэнд Та бүхнийг оролцохыг урьж байна.
Үзэсгэлэнд оролцох ААНБ болон хувь хүмүүс дараах утсаар холбогдож бүртгүүлнэ үү. Холбогдох утас: 324379
УУХҮЯ-НЫ ГАДААД ХАМТЫН АЖИЛЛАГААНЫ ХЭЛТЭС