Монголын Улсын Ерөнхий сайд Г.Занданшатар уул уурхайн бүтээгдэхүүн экспортлогч аж ахуйн нэгжүүдтэй өглөөний уулзалт хийлээ.

Уулзалтад Аж үйлдвэр, эрдэс баялгийн сайд Г.Дамдинням, Сангийн сайд Б.Жавхлан, Зам, тээврийн сайд Б.Дэлгэрсайхан нар оролцож аж ахуйн нэгжүүдийн төлөөллийн асуултад хариулт өглөө.

Аж үйлдвэр, эрдэс баялгийн сайд Г.Дамдинням уулзалтад оролцогчдод талархал илэрхийлж, салбарын яамнаас энэ мэт арга хэмжээг цаашид олноор зохион байгуулж, тулгамдсан асуудлыг шийдвэрлэх арга замыг эрэлхийлж ажиллах болно гэдгээ илэрхийлэв.

Мөн Аж үйлдвэр, эрдэс баялгийн яамнаас салбарын гол хууль болох Ашигт малтмалын тухай хуулийн нэмэлт, өөрчлөлтийн төслийг боловсруулж буй талаар мэдэгдэж, хуулийн төсөлд уул уурхайн салбарт үйл ажиллагаа явуулж байгаа аж ахуйн нэгжүүд, мэргэжлийн холбоодыг саналаа өгч хамтран ажиллахыг хүсэв.