ӨВӨЛЖИЛТИЙН БЭЛТГЭЛ, ШАТАХУУНЫ НӨӨЦ БОЛОН ДОТООД АЖЛЫН ТАЛААР ҮҮРЭГ ДААЛГАВАР ӨГЛӨӨ

Аж үйлдвэр, эрдэс баялгийн яамны Удирдлагын зөвлөлийн өргөтгөсөн хурал боллоо.

Хурлыг тус яамны Төрийн нарийн бичгийн дарга Б.Дашпүрэв удирдаж, харьяа байгууллага агентлаг болон газар, хэлтсийн дарга нарын хийж хэрэгжүүлсэн ажлыг сонсож цаашид авах арга хэмжээний талаар дараах үүрэг, даалгаврыг өгөв.

Үүнд:

Хууль бусаар ашигт малтмал олборлож буйд шалгалтыг үргэлжлүүлэх;

Засгийн газрын 100 хоногт хийж хэрэгжүүлсэн гол ажлуудын танилцуулгыг ач холбогдлоор нь эрэмбэлж гаргах;

Үндэсний геологийн албыг бусад газруудтай нэгтгэх асуудлыг эцэслэж дуусгах;

Сонгон шалгаруулалтаар лиценз олгох ажлыг эрчимжүүлэх;

Геологи судалгааны ажил зарлах;

Оюу толгой, Петрочайнатай холбоотой асуудлаар ажлын хэсгүүдийг хуралдуулах;

Өвлийн бэлтгэл ажил хангах хүрээнд шатахууны нөөцөд анхаарч ажиллах зэрэг Засгийн газарт танилцуулж шийдвэрлүүлэх асуудлуудад анхаарч ажиллах болон бусад дотоод ажлын талаар үүрэг даалгавар өгөв.