НҮБ-ын нөөцийн ангиллын олон улсын сургалт Монголд болов

НҮБ-ын нөөцийн ангиллын олон улсын сургалт Монголд болов

“Цацраг идэвхт ашигт малтмал, нүүрс, газрын тос болон байгалийн хийн нөөцийн ангилал”сэдэвт олон улсын сургалт семинарнаймдугаар сарын 16-нд Улаанбаатар хотод эхэлж, дөрвөн өдөр үргэлжлэв. Сургалтыг Монгол Улсын Уул уурхай, хүнд үйлдвэрийндэд сайд Х.Бадамсүрэн нээж, хамтран зохион байгуулагч НҮБ-ын Европын эдийн засгийн комиссын шинжээч, хатагтай Шарлот Грифитс, Олон улсын атомын энергийн агентлагийн мэргэжилтэн Хари Тулсидас нар үндсэн илтгэл тавив.

Ази, Африк, Америк, Европын 29 орны 50 орчим мэргэжилтэн болон манай төлөөлөгчид оролцож буй уг семинараар энергийн түүхий эдийн тухай ойлголтыг тодруулж,UNFC-2009буюу “Энергийн болон хатуу ашигт малтмалын нөөц, баялгийн НҮБ-ийн хүрээний ангилал” болон Олон улсын атомын энергийн агентлагаас гаргадаг “Улаан ном-2015”-ын талаар дэлгэрэнгүй тайлбарлалаа.

Манай улс өнөөдөр40 орчимтэрбум тн нүүрс, 332,8орчим сая тнгазрын тос, 180 орчим мянган тнураныгеологийн нөөцтэй гэгддэг бөгөөд эдгээр нь Монгол Улсад мөрдөж ирсэн нөөц, баялгийн уламжлалт ангиллаар хүлээн авсан нөөц юм. Харин Ашигт малтмалын тухай хуульд орсон 2014 оныөөрчлөлтийн дагуу Ашигт малтмалын нөөцийг тайлагнах олон улсын стандартын хорооны загварт суурилсан хайгуулын ажлын үр дүн, ашигт малтмалын баялаг, ордын нөөцийг нээлттэй тайлагнах Монгол Улсын заавар (MRC-Code)-ыг гарган хэрэгжүүлж эхэлсэн байна. Ингэснээр олон улсын нөөцийн мэдээлэл нэг хэл, нэг стандартаар бичигдэж, хөрөнгө оруулагч, харилцагч талууд ойлголцоход улам бүр дөхөмтэй болох юм.

Хурлын үеэр “Монгол Улсын ашигт малтмалын нөөцийн МRC-Code ба НҮБ-ын хүрээний ангиллын уялдаа”, “Ухаа худагийн коксжих нүүрсний ордын нөөцөд НҮБ-ын хүрээний ангиллыг хэрэглэх нь”, “Ашигт малтмалын баялаг, ордын нөөцийн ангиллын стандартыг Зөөвч-Овоо, Дулаан уулын ордод хэрэглэх нь” зэрэг сэдвээр илтгэл тавилаа.