“ЭРДЭС БАЯЛАГ – ЭМЭГТЭЙЧҮҮД ҮНДЭСНИЙ III ЧУУЛГАН”-Д УУЛ УУРХАЙ, ХҮНД ҮЙЛДВЭРИЙН ДЭД САЙД О.БАТНАЙРАМДАЛ ОРОЛЦОЖ ИЛТГЭЛ ТАВИЛАА
“Эрдэс баялаг – эмэгтэйчүүд үндэсний III чуулган” 2021 оны 3 дугаар сарын 16-ны өдөр цахимаар зохион байгуулагдлаа. Уг хуралд Уул уурхай, хүнд үйлдвэрийн дэд сайд О.Батнайрамдал оролцож “Хариуцлагатай ил тод уул уурхайг хөгжүүлэх Засгийн газрын үйл ажиллагааны хөтөлбөр 2020-2024” сэдвээр илтгэл тавилаа.
Тэрээр илтгэлдээ: Эрдэс баялгийн салбар нь Монгол Улсын эдийн засагт хувь нэмрээ тасралтгүй оруулсаар ирсэн бөгөөд 2020 оны урьдчилсан гүйцэтгэлээр ДНБ-ий 22%, аж үйлдвэрийн салбар, гадаадын шууд хөрөнгө оруулалтын 71%, экспортын бүтээгдэхүүний 94%-ийг тус тус бүрдүүлсэн. Мөн төсвийн нийт орлогын 26% буюу 10.4 их наяд төгрөгийг уул уурхайн салбараас оруулсан орлого эзэлж байна.
(1).png)
Салбарын алсын харааг зөв тодорхойлж, эрх зүйн шинэчлэлийг боловсронгуй болгож, боловсруулалтын түвшинг ахиулснаар хөгжлийн дараагийн үе шатанд шилжиж улс орны эдийн засагт үзүүлэх үр нөлөөг нэмэгдүүлэх боломжтой юм.
Энэ хүрээнд 2020-2024 онд газрын тос боловсруулах үйлдвэр, нүүрс болон зэсийн баяжмал боловсруулах үйлдвэр, хар төмөрлөгийн үйлдвэр зэрэг олон төсөл хөтөлбөр хэрэгжиж томоохон бүтээн байгуулалтын ажлууд өрнөх талаар мэдээлэл хүргэсэн.
Илтгэлийнхээ төгсгөлд Уул уурхай, хүнд үйлдвэрийн дэд сайд О.Батнайрамдал эрдэс баялгийн салбарт үнэтэй хувь нэмэр оруулж буй 53.7 мянган ажиллагсдын 12 мянга орчим нь эмэгтэйчүүд байгааг онцлоод чуулганд оролцогч эмэгтэйчүүдэд хандан талархал илэрхийлж ажлын амжилт хүссэн юм.
“Эрдэс баялаг – эмэгтэйчүүд үндэсний III чуулган”-д салбарын манлайлагч эмэгтэйчүүд өөрсдийн туршлагаа хуваалцаж, 300 гаруй төлөөлөгч эмэгтэйчүүд идэвхтэй оролцлоо.
.jpg)